Малітва за памерлых

(Візантыйская традыцыя)

Божа духаў і ўсялякага цела,

Ты знішчыў смерць

і перамог д’ябла,

і праз гэта даў жыццё свайму свету. Дай, Пане, Твайму памерламу

слугу N. адпачынак у месцы святла, жыцця і прахалоды,

дзе цярпенне, смутак і плач

не маюць моцы.

О добры і ласкавы Божа,

прабач яму ўсе правіны,

якія ён учыніў думкаю,

словам і ўчынкам,

бо няма чалавека,

які б жыў і не грашыў.

Толькі над Табою грэх

не мае ўлады,

Твая справядлівасць —

справядлівасць вечная,

а Тваё слова — праўда.

Хрыстэ, наш Божа,

Ты — уваскрашэнне,

і жыццё, і спакой

Твайго памерлага слугі N.,

мы праслаўляем Цябе

разам са спрадвечным

Айцом Тваім

і са Святым, добрым

і жыццядайным

Духам Тваім цяпер і заўсёды,

і на векі вечныя.

Няхай адпачывае ў супакоі.

Амэн.