CCC 1003

Credentes, Christo per Baptismum coniuncti, realiter vitam caelestem Christi resuscitati iam participant,⁵⁸⁰ Cf Phil 3,20. sed haec vita permanet « abscondita [...] cum Christo in Deo » (Col 3,3). Ipse nos « et conresuscitavit et consedere fecit in caelestibus in Christo Iesu » (Eph 2,6). Corpore Christi in Eucharistia nutriti, iam ad Eius corpus pertinemus. Cum in novissimo resurgemus die, « tunc et » nos apparebimus « cum Ipso in gloria » (Col 3,4).