CCC 1655

Christus in sinu sanctae Familiae Ioseph et Mariae nasci et crescere voluit. Ecclesia aliud non est nisi « familia Dei ». Inde ab eius originibus, Ecclesiae nucleus saepe ex illis constabat qui « cum tota domo sua » effecti erant credentes.³¹⁶ Cf Act 18,8. Cum convertebantur, cupiebant « totam domum suam » etiam salvari.³¹⁷ Cf Act 16,31; 11,14. Hae familiae, credentes effectae, parvae erant vitae christianae insulae in mundo non credenti.