CCC 2173

Evangelium plures refert casus in quibus Iesus accusatur de lege sabbati violata. Sed Iesus nunquam huius diei offendit sanctitatem.¹⁰⁸ Cf Mc 1,21; Io 9,16. Huic cum auctoritate interpretationem praebet authenticam: « Sabbatum propter hominem factum est, et non homo propter sabbatum » (Mc 2,27). Christus cum compassione Sibi auctoritatem tribuit sabbato bene faciendi et non male, animam salvam faciendi et non perdendi.¹⁰⁹ Cf Mc 3,4. Sabbatum dies est Domini misericordiarum et honoris Dei.¹¹⁰ Cf Mt 12,5; Io 7,23. « Dominus est Filius hominis etiam sabbati » (Mc 2,28).