CCC 2417

Deus animalia procurationi concredidit illius quem Ipse ad Suam creavit imaginem.²⁹⁴ Cf Gn 2,19-20; 9,1-4. Legitimum igitur est animalibus uti ad nutrimentum vel ad vestes conficiendas. Ea mansuefacere licet ut homini in eius laboribus vel in eius otiis assistant. Medica et scientifica experimenta in animalibus sunt exercitia moraliter acceptabilia, si intra rationabiles permaneant limites et ad vitas humanas curandas conferant vel salvandas.