CCC 2466

Veritas Dei in Iesu Christo est integre manifestata. Ipse, plenus gratiae et veritatis,³⁵³ Cf Io 1,14. est « lux mundi » (Io 8,12). Ipse est veritas.³⁵⁴ Cf Io 14,6. Omnis qui credit in Eum, in tenebris non manet.³⁵⁵ Cf Io 12,46. Iesu discipulus manet in sermone Eius, ut cognoscat veritatem quae liberat³⁵⁶ Cf Io 8,31-32. et sanctificat.³⁵⁷ Cf Io 17,17. Iesum sequi est de Spiritu veritatis vivere³⁵⁸ Cf Io 14,17. quem Pater mittit in nomine Eius³⁵⁹ Cf Io 14,26. et qui deducit « in omnem veritatem » (Io 16,13). Iesus Suos discipulos docet amorem absolutum veritatis: « Sit autem sermo vester: "Est, est" "Non, non" » (Mt 5,37).