CCC 2618

Evangelium nobis revelat quomodo Maria orat et intercedit in fide: in Cana,⁹⁹ Cf Io 2,1-12. Mater Iesu orat Filium pro necessitatibus convivii nuptiarum, signi alius Convivii, illius nuptiarum Agni qui petitioni Ecclesiae, Sponsae Suae, Suum corpus Suumque donat sanguinem. In Novi Foederis hora, iuxta crucem,¹⁰⁰ Cf Io 19,25-27. exauditur Maria, tamquam Mulier, Nova Eva, vera « Mater viventium ».