CCC 612

Iesus calicem Novi Testamenti, quod in Cena Seipsum offerens anticipaverat,⁴⁷⁹ Cf Lc 22,20. deinde de manibus Patris accipit in Sua agonia in Gethsemani,⁴⁸⁰ Cf Mt 26,42. « factus oboediens usque ad Mortem » (Phil 2,8).⁴⁸¹ Cf Heb 5,7-8. Iesus orat: « Pater mi, si possibile est, transeat a me calix iste... » (Mt 26,39). Sic horrorem exprimit quem Mors pro Sua natura repraesentat humana. Revera, haec, sicut nostra, ad vitam destinatur aeternam; praeterea, aliter quam nostra, est perfecte a peccato exempta,⁴⁸² Cf Heb 4,15. quod mortem causat;⁴⁸³ Cf Rom 5,12. sed praesertim illa est a Persona divina « Ducis vitae »,⁴⁸⁴ Cf Act 3,15. « Viventis »,⁴⁸⁵ Cf Apc 1,18; Io 1,4; 5,26. assumpta. Acceptans Sua voluntate humana ut Patris fiat voluntas,⁴⁸⁶ Cf Mt 26,42. Suam Mortem acceptat quatenus redemptricem ut « peccata nostra Ipse » perferat « in corpore Suo super lignum » (1 Pe 2,24).