CCC 719

Ioannes est « plus quam Propheta ».⁸⁴ Cf Lc 7,26. Spiritus Sanctus in eo « locutionem per Prophetas » adimplet. Ioannes cyclum claudit Prophetarum ab Elia inauguratum.⁸⁵ Cf Mt 11,13-14. Annuntiat consolationem Israel imminere, est « vox » Consolatoris qui venit.⁸⁶ Cf Io 1,23; Is 40,1-3. Ipse, ut etiam Spiritus veritatis faciet, « venit in testimonium, ut testimonium perhiberet de Lumine » (Io 1,7).⁸⁷ Cf Io 15,26; 5,33. Ita, in Ioanne, Spiritus « scrutationes Prophetarum » adimplet et « desiderium » angelorum:⁸⁸ Cf 1 Pe 1,10-12. « Super quem videris Spiritum descendentem et manentem super Eum, Hic est qui baptizat in Spiritu Sancto. Et ego vidi et testimonium perhibui quia Hic est Filius Dei. [...] Ecce Agnus Dei » (Io 1,33-36).