Tantum ergo

Tantum ergo sacramentum

veneremur cernui:

et antiquum documentum

novo cedat ritui:

praestet fides supplementum

sensuum defectui.

Genitori Genitoque

laus et iubilatio,

salus, honor, virtus quoque

sit et benedictio:

procedenti ab utroque

compar sit laudatio. Amen.

℣.Versiculus — linea quam is qui precem ducit solus dicit vel canit. Cui congregatio responso sequenti respondet. Panem de caelo praestitisti eis,

℟.Responsum — linea quam congregatio simul dicit vel canit, versiculo praecedenti respondens. Omne delectamentum in se habentem.

Oremus. – Deus, qui nobis sub sacramento mirabili Passionis tuae memoriam reliquisti: tribue, quaesumus, ita nos Corporis et Sanguinis tui sacra mysteria venerari, ut redemptionis tuae fructum in nobis iugiter sentiamus: Qui vivis et regnas in saecula saeculorum. Amen.

(De Sacra Communione et de Cultu Mysterii Eucharistici extra Missam, 21 iunii 1973, 200 et 192)