Apocalypsis Ioannis 5
Nova Vulgata Bibliorum Sacrorum Editio
© Libreria Editrice Vaticana Fons: vatican.va
1 Et vidi in dextera sedentis super thronum librum scriptum intus et foris, signatum sigillis septem. 2 Et vidi angelum fortem praedicantem voce magna: “ Quis est dignus aperire librum et solvere signacula eius? ”. 3 Et nemo poterat in caelo neque in terra neque subtus terram aperire librum neque respicere illum. 4 Et ego flebam multum, quoniam nemo dignus inventus est aperire librum nec respicere eum. 5 Et unus de senioribus dicit mihi: “ Ne fleveris; ecce vicit leo de tribu Iudae, radix David, aperire librum et septem signacula eius ”. 6 Et vidi in medio throni et quattuor animalium et in medio seniorum Agnum stantem tamquam occisum, habentem cornua septem et oculos septem, qui sunt septem spiritus Dei missi in omnem terram. 7 Et venit et accepit de dextera sedentis in throno. 8 Et cum accepisset librum, quattuor animalia et viginti quattuor seniores ceciderunt coram Agno, habentes singuli citharas et phialas aureas plenas incensorum, quae sunt orationes sanctorum. 9 Et cantant novum canticum dicentes: “ Dignus es accipere librum et aperire signacula eius, quoniam occisus es et redemisti Deo in sanguine tuo ex omni tribu et lingua et populo et natione; 10 et fecisti eos Deo nostro regnum et sacerdotes, et regnabunt super terram ”. 11 Et vidi et audivi vocem angelorum multorum in circuitu throni et animalium et seniorum, et erat numerus eorum myriades myriadum et milia milium, 12 dicentium voce magna: “ Dignus est Agnus, qui occisus est, accipere virtutem et divitias et sapientiam et fortitudinem et honorem et gloriam et benedictionem ”. 13 Et omnem creaturam, quae in caelo est et super terram et sub terra et super mare et quae in eis omnia, audivi dicentes: “Sedenti super thronum et Agno benedictio et honor et gloria et potestas in saecula saeculorum ”. 14 Et quattuor animalia dicebant: “ Amen ”; et seniores ceciderunt et adoraverunt.
Ubi affertur 79
- Hoc caput Musicae Sacrae(§68)Mystici Corporis Christi(§31)
- v. 1 Ecclesia In Europa(§44)Evangelium Vitae(§105)
- v. 2 Evangelium Vitae(§105)
- v. 3 Summa (LA)(Suppl 97.7)Ecclesia In Europa(§44)Evangelium Vitae(§105)
- v. 4 Evangelium Vitae(§105)
- v. 5 Summa (LA)(III 60.5
Suppl 96.8) Evangelium Vitae(§105) - v. 6 CCC(¶1137)Ecclesia In Europa(§6
§44) Evangelium Vitae(§105)Pastores Dabo Vobis(§13) - v. 7 Ecclesia In Europa(§44)Evangelium Vitae(§105)Pastores Dabo Vobis(§13)
- v. 8 Quaestiones(The saints, statues and images)Evangelium Vitae(§105)Pastores Dabo Vobis(§13)
- v. 9 CCC(¶1546
¶1548 Dies Domini(§31)Ecclesia In Europa(§44)Evangelium Vitae(§105)Lumen Gentium(§10¶2642) §50) Pastores Dabo Vobis(§13)Redemptoris Mater(§33) - v. 10 CCC(¶1546
¶1548 Summa (LA)(Suppl 96.1)Evangelium Vitae(§105)Lumen Gentium(§10)Mulieris Dignitatem(§27)Pastores Dabo Vobis(§13)Redemptor Hominis(§18¶2642) §20) Redemptoris Mater(§33) - v. 11 CCC(¶2642)Pastores Dabo Vobis(§13)Redemptoris Mater(§33)
- v. 12 CCC(¶2642)Summa (LA)(III 10.2)Lumen Gentium(§51)Mediator Dei(§119
§133 Mystici Corporis Christi(§68)Pastores Dabo Vobis(§13)Redemptoris Mater(§33)§166) - v. 13 CCC(¶449
¶2642 Ecclesia In Europa(§62¶2855) §65 Laudis Canticum(§8)Lumen Gentium(§51)Mediator Dei(§194§66) §209 Musicae Sacrae(§32)Mystici Corporis Christi(§40§255) §68 Quadragesimo Anno(§147§88 §90) §149) Redemptoris Mater(§33) - v. 14 CCC(¶2642)Lumen Gentium(§51)Redemptoris Mater(§33)
- v. 110 Evangelium Vitae(§105)