Epistula ad Hebraeos 13

1 Caritas fraternitatis maneat. 2 Hospitalitatem nolite oblivisci; per hanc enim quidam nescientes hospitio receperunt angelos. 3 Mementote vinctorum tamquam simul vincti, laborantium tamquam et ipsi in corpore morantes. 4 Honorabile conubium in omnibus, et torus immaculatus; fornicatores enim et adulteros iudicabit Deus. 5 Sint mores sine avaritia; contenti praesentibus. Ipse enim dixit: “ Non te deseram neque derelinquam ”, 6 ita ut confidenter dicamus: “ Dominus mihi adiutor est, non timebo; quid faciet mihi homo? ”. 7 Mementote praepositorum vestrorum, qui vobis locuti sunt verbum Dei; quorum intuentes exitum conversationis, imitamini fidem. 8 Iesus Christus heri et hodie idem, et in saecula! 9 Doctrinis variis et peregrinis nolite abduci; optimum enim est gratia stabiliri cor, non escis, quae non profuerunt ambulantibus in eis. 10 Habemus altare, de quo edere non habent potestatem, qui tabernaculo deserviunt. 11 Quorum enim animalium infertur sanguis pro peccato in Sancta per pontificem, horum corpora cremantur extra castra. 12 Propter quod et Iesus, ut sanctificaret per suum sanguinem populum, extra portam passus est. 13 Exeamus igitur ad eum extra castra, improperium eius portantes; 14 non enim habemus hic manentem civitatem, sed futuram inquirimus. 15 Per ipsum ergo offeramus hostiam laudis semper Deo, id est fructum labiorum confitentium nomini eius. 16 Beneficientiae autem et communionis nolite oblivisci; talibus enim hostiis oblectatur Deus. 17 Oboedite praepositis vestris et subiacete eis; ipsi enim pervigilant pro animabus vestris quasi rationem reddituri, ut cum gaudio hoc faciant et non gementes; hoc enim non expedit vobis. 18 Orate pro nobis; confidimus enim quia bonam conscientiam habemus, in omnibus bene volentes conversari. 19 Amplius autem deprecor vos hoc facere, ut quo celerius restituar vobis. 20 Deus autem pacis, qui eduxit de mortuis pastorem magnum ovium in sanguine testamenti aeterni, Dominum nostrum Iesum, 21 aptet vos in omni bono, ut faciatis voluntatem eius, faciens in nobis, quod placeat coram se per Iesum Christum, cui gloria in saecula saeculorum. Amen. 22 Rogo autem vos, fratres, sufferte sermonem exhortationis; etenim perpaucis scripsi vobis. 23 Cognoscite fratrem nostrum Timotheum dimissum esse; cum quo, si celerius venerit, videbo vos. 24 Salutate omnes praepositos vestros et omnes sanctos. Salutant vos, qui de Italia sunt. 25 Gratia cum omnibus vobis.

Ubi affertur 100

Hoc caput Lumen Gentium(§9)
v. 1 Quaestiones(Prison and torture)Presbyterorum Ordinis(§8)
v. 2 Quaestiones(Prison and torture)Amoris Laetitia(§324)Presbyterorum Ordinis(§8)
v. 3 CCC(¶2447)Quaestiones(Prison and torture)
v. 4 Amoris Laetitia(§61)Arcanum Divinae(§3§9)Casti Connubii(§6)Quod Apostolici Muneris(§8)Sertum Laetitiae(§8)
v. 5 Summa (LA)(II-II 118.1)
v. 7 Ad Petri Cathedram(§44§84)Ecclesia In Africa(§35)Evangelii Gaudium(§13)Lumen Gentium(§50)
v. 8 Summa (LA)(I-II 102.4III 16.9)Au Milieu Des Sollicitudes(§17)Casti Connubii(§5)Centesimus Annus(§62)Christifideles Laici(§50§60)Ecclesia In Asia(§23)Ecclesia In Europa(§1)Evangelii Gaudium(§11)Gaudium et Spes(§10)Haerent Animo(§8)Inter Mirifica(§24)Mediator Dei(§148§163)Novo Millennio Ineunte(§1§28)Signum Magnum(§13)Tertio Millennio Adveniente(§40§56)Ut Unum Sint(§22)
v. 10 CCC(¶1182)
v. 12 Summa (LA)(I-II 101.4I-II 102.5I-II 103.2III 27.6III 60.3III 83.3)
v. 14 CCC(¶771¶2796)Ad Petri Cathedram(§125)Divini Redemptoris(§44)Gaudium et Spes(§43)Laetitiae Sanctae(§13)Lumen Gentium(§9§50)Mystici Corporis Christi(§32§71)Sacrosanctum Concilium(§2§109)Spe Salvi(§4)Vita Consecrata(§26)
v. 15 CCC(¶1330)Summa (LA)(I-II 102.4III 83.3)Lumen Gentium(§12)Mediator Dei(§125§139)Menti Nostrae(§37)Verbum Domini(§62)
v. 16 Summa (LA)(II-II 30.4II-II 32.1II-II 85.3II-II 86.2II-II 188.2III 64.6)Lumen Gentium(§12)Presbyterorum Ordinis(§8)
v. 17 CCC(¶1269¶1273)Summa (LA)(II-II 102.2II-II 104.1II-II 186.5)Graves De Communi Re(§9)Lumen Gentium(§27§37)Mediator Dei(§193§208)Mystici Corporis Christi(§43§91)Perfectae Caritatis(§14)Redemptionis Donum(§13)
v. 20 CCC(¶632)Compendio della Dottrina Sociale della Chiesa(16)Aeterna Dei Sapientia(§26§62)Novo Millennio Ineunte(§1)Pastores Dabo Vobis(§1)
v. 27 Summa (LA)(III 46.10)