Liber Isaiae 53
Nova Vulgata Bibliorum Sacrorum Editio
© Libreria Editrice Vaticana Fons: vatican.va
1 “ Quis credidit auditui nostro, et brachium Domini cui revelatum est? 2 Et ascendit sicut virgultum coram eo et sicut radix de terra sitienti. Non erat species ei neque decor, ut aspiceremus eum, et non erat aspectus, ut desideraremus eum. 3 Despectus erat et novissimus virorum, vir dolorum et sciens infirmitatem, et quasi abscondebamus vultum coram eo; despectus, unde nec reputabamus eum. 4 Vere languores nostros ipse tulit et dolores nostros ipse portavit; et nos putavimus eum quasi plagatum, percussum a Deo et humiliatum. 5 Ipse autem vulneratus est propter iniquitates nostras, attritus est propter scelera nostra; disciplina pacis nostrae super eum, et livore eius sanati sumus. 6 Omnes nos quasi oves erravimus, unusquisque in viam suam declinavit; et posuit Dominus in eo iniquitatem omnium nostrum ”. 7 Afflictus est et ipse subiecit se et non aperuit os suum; sicut agnus, qui ad occisionem ducitur, et quasi ovis, quae coram tondentibus se obmutuit et non aperuit os suum. 8 Angustia et iudicio sublatus est. De generatione eius quis curabit? Quia abscissus est de terra viventium; propter scelus populi mei percussus est ad mortem. 9 Et posuerunt sepulcrum eius cum impiis, cum divitibus tumulum eius, eo quod iniquitatem non fecerit, neque dolus fuerit in ore eius. 10 Et Dominus voluit conterere eum infirmitate. Si posuerit in piaculum animam suam, videbit semen longaevum, et voluntas Domini in manu eius prosperabitur. 11 Propter laborem animae eius videbit lucem, saturabitur in scientia sua. Iustificabit iustus servus meus multos et iniquitates eorum ipse portabit. 12 Ideo dispertiam ei multos, et cum fortibus dividet spolia, pro eo quod tradidit in mortem animam suam et cum sceleratis reputatus est; et ipse peccatum multorum tulit et pro transgressoribus rogat.
Ubi affertur 95
- v. 1 CCC(¶591)Summa (LA)(II-II 10.1)
- v. 2 Summa (LA)(III 14.1)Sacramentum Caritatis(§35)Salvifici Doloris(§17)Vita Consecrata(§24)
- v. 3 Summa (LA)(III 14.1
III 43.1) Redemptoris Mater(§18)Salvifici Doloris(§6§17) Vita Consecrata(§24) - v. 4 CCC(¶517
¶1505) Summa (LA)(III 14.1III 15.5 Indulgentiarum Doctrina(§5)Miserentissimus Redemptor(§6)Reconciliatio Et Paenitentia(§31)Redemptoris Mater(§18)Salvifici Doloris(§6III 22.3 III 35.6 III 46.6 III 49.3 III 52.1 III 68.5) §17) - v. 5 CCC(¶1505)Compendio della Dottrina Sociale della Chiesa(493)Summa (LA)(III 14.1)Dilexit Nos(§155)Dives In Misericordia(§7)Dominum Et Vivificantem(§16)Indulgentiarum Doctrina(§5)Miserentissimus Redemptor(§6
§10) Reconciliatio Et Paenitentia(§31)Redemptoris Mater(§18)Salvifici Doloris(§6§17) - v. 6 CCC(¶1505)Summa (LA)(III 15.1)Dominum Et Vivificantem(§16)Indulgentiarum Doctrina(§5)Salvifici Doloris(§6
§17 §18) - v. 7 CCC(¶601
¶608) Summa (LA)(III 14.2III 15.6 Paenitentiam Agere(§20III 18.6 III 22.2 III 46.1 III 47.3 Suppl 89.2) §34) Reconciliatio Et Paenitentia(§29)Salvifici Doloris(§18) - v. 8 CCC(¶601
¶627) Summa (LA)(III 22.6III 31.3) Dominum Et Vivificantem(§16)Salvifici Doloris(§18) - v. 9 Summa (LA)(III 51.1)Salvifici Doloris(§18)
- v. 10 CCC(¶440
¶615 Summa (LA)(III 47.3)Evangelium Vitae(§49)Salvifici Doloris(§18¶623) §19) - v. 11 CCC(¶64
¶440 Evangelium Vitae(§49)Salvifici Doloris(§19)¶579 ¶601 ¶615 ¶623 ¶1502) - v. 12 CCC(¶440
¶536 Summa (LA)(III 47.3)Reconciliatio Et Paenitentia(§29)Salvifici Doloris(§19)¶601 ¶608 ¶615 ¶713) - v. 35 Redemptoris Mater(§18)