Liber Psalmorum 101

Editiones hic finem inter quosdam versus huius capitis ad diversa sententiae membra ponunt, ita ut citatio iuxta sententiam alienam cadere possit.

1 David. PSALMUS. Misericordiam et iudicium cantabo; tibi, Domine, psallam. 2 Intellegam in via immaculata; quando venies ad me? Perambulabo in innocentia cordis mei, in medio domus meae. 3 Non proponam ante oculos meos rem iniustam; facientem praevaricationes odio habebo, non adhaerebit mihi. 4 Cor pravum recedet a me, malignum non cognoscam. 5 Detrahentem secreto proximo suo, hunc cessare faciam; superbum oculo et inflatum corde, hunc non sustinebo. 6 Oculi mei ad fideles terrae, ut sedeant mecum; qui ambulat in via immaculata, hic mihi ministrabit. 7 Non habitabit in medio domus meae, qui facit superbiam; qui loquitur iniqua, non stabit in conspectu oculorum meorum. 8 In matutino cessare faciam omnes peccatores terrae, ut disperdam de civitate Domini omnes operantes iniquitatem.

Ubi affertur 5

Hoc caput Pastores Dabo Vobis(§72)
v. 2 Haerent Animo(§20)
v. 3 Quaestiones(What to watch)
v. 8 Summa (LA)(II-II 25.6II-II 64.2)