Liber Psalmorum 4

1 Magistro chori. Fidibus. PSALMUS. David. 2 Cum invocarem, exaudivit me Deus iustitiae meae. In tribulatione dilatasti mihi; miserere mei et exaudi orationem meam. 3 Filii hominum, usquequo gravi corde? Ut quid diligitis vanitatem et quaeritis mendacium? 4 Et scitote quoniam mirificavit Dominus sanctum suum; Dominus exaudiet, cum clamavero ad eum. 5 Irascimini et nolite peccare; loquimini in cordibus vestris, in cubilibus vestris et conquiescite. 6 Sacrificate sacrificium iustitiae et sperate in Domino. 7 Multi dicunt: “ Quis ostendit nobis bona? ”. Leva in signum super nos lumen vultus tui, Domine! 8 Maiorem dedisti laetitiam in corde meo, quam cum multiplicantur frumentum et vinum eorum. 9 In pace in idipsum dormiam et requiescam, quoniam tu, Domine, singulariter in spe constituisti me.

Ubi affertur 23

Hoc caput Summa (LA)(III 75.1)Veritatis Splendor(§42)
v. 3 Summa (LA)(I 17.1II-II 132.1)
v. 5 Summa (LA)(I-II 46.7II-II 158.2II-II 158.3)Veritatis Splendor(§42)
v. 6 Summa (LA)(I 84.5I-II 19.4I-II 91.2)Veritatis Splendor(§2§42)
v. 7 Summa (LA)(I 79.4I 84.5I 93.4I 117.1I-II 19.4)Acerbo Nimis(§3)Veritatis Splendor(§2)
v. 8 Gaudete Et Exsultate(§121)Mulieris Dignitatem(§6)
v. 9 Gaudete Et Exsultate(§121)