Amin’ny fohiny CCC 1591

Vahoaka mpisorona ny Fiangonana manontolo. Noho ny Batemy, mandray anjara amin’ny fisoronan’i Kristy ny mpino rehetra. Antsoina hoe “fisoronana iombonan’ny mpino” izany fandraisana anjara izany. Ao amin’ny fotony sy amin’ny asa fanompoany, dia misy fandraisana anjara hafa amin’ny fanirahana an’i Kristy ; ny an’ny andraiki-panompoana omena amin’ny sakramentan’ny Filaharana, izay ny lahasany dia ny manompo amin’ny anarana sy amin’ny Tenan’i Kristy-Loha mihitsy eo anivon’ny ankohonam-piangonana.