CCC 655

Farany, ny Fitsanganan’i Kristy ho velona – sy i Kristy nitsangan-ko velona mihitsy – no fototra sy loharanon’ny fananganana antsika ho velona rahatrizay : “ Nitsangan-ko velona avy amin’ny maty tokoa i Kristy, ary Izy no santatr’izay efa nodimandry (…), ary toy ny ahafatesan’ny olon-drehetra ao amin’i Adama, no hahaveloman’ny olon-drehetra koa ao amin’i Kristy” (1 Kôr 15,20-22). Eo am-piandrasana an’izany fahatanterahana izany, dia monina ao am-pon’ny mpinony i Kristy nitsangan-ko velona. Ao Aminy ny kristianina no “manandrana ny hamamin’ny asa mahagaga any amin’ny fiainan-ko avy” (Heb 6,5) ary ny fiainan’izy ireo dia tarihin’i Kristy ho eo anivon’ny fiainan’Andriamanitra⁵⁷³ jer. Kôl 3,1-3. “mba tsy ho velona ho an’ny tenany fotsiny intsony izay velona, fa ho an’Ilay izay maty sy nitsangan-ko velona ho azy ireo” (2 Kôr 5,15).