CCC 2839

Audaci fiducia, Patrem nostrum orare incepimus. Eum supplicantes ut Nomen Eius sanctificetur, ab Eo petivimus ut semper magis sanctificemur. Sed, licet veste baptismali superinduti, peccare nosque a Deo avertere non desinimus. Nunc in hac nova petitione, ad Eum redimus, tamquam filius prodigus,³⁴⁰ Cf Lc 15,11-32. et nos coram Eo agnoscimus peccatores, sicut publicanus.³⁴¹ Cf Lc 18,13. Nostra petitio quadam incipit « confessione » qua simul nostram miseriam Eiusque confitemur misericordiam. Firma est nostra spes, quia, in Eius Filio, « habemus Redemptionem, remissionem peccatorum » (Col 1,14).³⁴² Cf Eph 1,7. Efficax et indubium remissionis Eius signum in sacramentis invenimus Ecclesiae Eius.³⁴³ Cf Mt 26,28; Io 20,23.