CCC 659

“Ary rahefa avy niteny tamin’izy ireo i Jesoa Tompo, dia nakarina any an-danitra, ka mipetraka eo an-kavanan’Andriamanitra” (Mk 16,19). Efa nomem-boninahitra avy hatrany ny Vatan’i Kristy, tamin’ny fotoanan’ny Fitsanganany ho velona, ary porofoin’ny toetra manokana vaovao sy mihoatra ny natoraly izay zakain’ny Tenany maharitra tsy tapaka izany, manomboka hatreo⁵⁷⁶ jer. Lk 24,31; Jo 20,19.26.. Kanefa nandritra ny efapolo andro izay niarahany nihinana sy nisotro tamin’ny mpianany tamin’ny fomba mahazatra⁵⁷⁷ jer. Asa 10,41., ary nampianarany azy ireo ny momba ny Fanjakan’Andriamanitra⁵⁷⁸ jer. Asa 1,3., dia mbola mijanona ho takon’ny toetran’olombelona tsotra ny voninahiny⁵⁷⁹ jer. Mk 16,12; Lk 24,15; Jo 20,14-15; 21,4.. Ny fisehoan’i Jesoa farany dia nifarana tamin’ny nahatafidiran’ny maha-olombelona Azy tsy mitampody, ao amin’ny voninahitr’Andriamanitra, naseho an-tsary amin’ny rahona⁵⁸⁰ Jer Asa 1,9; jer. koa Lk 9,34-35; Eks 13,22. sy lanitra⁵⁸¹ jer. Lk 24,51. izay ao Izy no mipetraka eo an-kavanan’Andriamanitra⁵⁸² jer. Mk 16,19; Asa 2,33; 7,56; jer. koa Sal 110,1. manomboka hatreo. Amin’ny fomba miavaka tokoa, sady tokana aman-tany no hisehoany amin’i Paoly “izay toy ny tsy tonga volana” (1 Kôr 15,8) amin’ny fisehoana farany izay anendrena azy ho apôstôly⁵⁸³ jer. 1 Kôr 9,1; Gal 1,16..